Ludenso Create la nåvkå addnijda vuogas oahpponævvo mij dibddá oahppijt visualisierit ájádusájdisá 3D:an ja juogadi sierralágásj AR-vásádusájt. Dahkamusáj ma li gárvvása adnet klássalanján ja sijddaskåvlån, máhtá dån álkket berustimev båktet ja oahppijdat gárvedit boahtte ájggáj.
Ájtsa måvtåstuhtte vuogijt gåktu adnet Ludenso Create klássalanján. Jus ájgo oahppijdisát fállat måvtåstuhtte, oahppáj vuogas, ja prosjæktavuododum oahppamvásádusájt, de bierri dahkamusájt gæhttjat mijá åhpadiddjeportálan. Juohkka oahppobåddåj, lesj dal makkir tiebmá, sisadno jali mihttomierre de máhtá dån dav adnet. Jus dujna li ájádusá ådå sjuggelis dahkamusájda, manen ij dajt dahkat iesj?
Dárbaha dåssju Ludenso Create sválldasav oahppijt jåhtuj biejatjit. Jus sij barggi Chromebookan, PC:an jali MacBookan, de dåssju sválldasav sidjij sáddi. Jus oahppe dahki ietjasa 3D-hábbmimav telefåvnån jali næhttatáblon, de hæhttuji viedtjat "Ludenso Create”-ehpav.
Váj besa gæhttjat majt duv oahppe dahki máhtá dån ásadit virtuála klássalanjáv, jali dav majt juogosvuosedibmen gåhtjudip, masi oahppe máhtti låggit sisi. Dát la sierraláhkáj ávkálasj vaj sjaddi jærmálasj dágástallama klássalanján ja vaj oahppe bessi ájádusájt juohket ja gaskostit.
Vuovtjustalátjit dádjadusáv ådå konseptajda, ja måvtåstuhtátjit oahppijt åvddånahtátjit digitála tjehpudagájt, dárbaha dån dåssju viedtjat Ludenso Create ehpav AR-hiebalgis ræjdduj. Jus sidá juogosvuosedimev jali avta 3D-modellav AR:an de dav álkket návti dagá: maná fálluj, rabá modellav ja dieddela AR-boalov. Ja ge! De la la gárves åtsådittjat.
